Монголын Менежментийн холбоо үүсэн байгуулагдсаны 20 жилийн ой боллоо

Монгол Улсад менежментийн орчин үеийн сэтгэлгээ хөгжсөний болон Монголын Менежментийн холбоо үүсэн байгуулагдсаны 20 жилийн  ой 2011 оны 11 дүгээр сарын 11-ны өдөр буюу зуун жилд  ганц тохиох мөчид  болсноороо  онцлог болж өндөрлөлөө.

Баярын үйл ажиллагааг  тус холбооны тэргүүн профессор Д.Цэрэндорж нээж  “Мэдэхүйгээс чадахуйд дэвшиж, төр улсаа засах , ахуй соёлоо  хамаарах монгол ухаан уламжлалаа  сэргээн хөгжүүлж шинэ зуун, шинэ мянганд  дэлхийн хөгжлийн төв болох их хэргийг гүйцэлдүүлэхэд хамтдаа зүтгэцгээе”  хэмээн уриаллаа.

Тоон бэлгэдлийн  тохиол бүрдсэн энэ өдрийг товлон  менежментийн шилдэг туршлагыг  дэлгэрүүлэх , ажлын гүйцэтгэлийн  сайжруулах замаар  улс үндэстнээ  хөгжүүлэх үйлсэд  эрдэм мэдлэг  сэтгэл зүтгэлээ зориулан яваа үе үеийн шилдэг менежерүүд болон гишүүн байгууллагуудынхаа төлөөлөлтэй хамтдаа баяраа тэмдэглэн өнгөрөөсөн юм.

Одоо тус холбоо нь 100 гаруй аж ахуйн нэгж байгууллагыг эгнээндээ нэгтгэсэн 500 гаруй хувь гишүүдтэй  үндэсний хэмжээний  төрийн бус байгууллага болон өргөжиж үйл ажиллагаагаа явуулж байна.